Nangjan Ka Manchester City sha ka Quadruple

Published by Na Rympei on

Ka Manchester City ka la pynliem noh ia ka Chelsea FC da 4-3 kol ha ka jingiashut tie breaker ban rah syndon ia ka Caraboa cup. Kane ruh ka long ka jingjop ba sawsien kynthih jong ka Manchester City ia kane ka cup,kata naduh u 2013-2014 aiom.

https://twitter.com/ManCity/status/1099765895923146754

Da kane ka jingjop ka Manchester City ka don ha ka jingiaid lynti ban ioh rah syndon ia ka quadruple ne ban ioh rah syndon ia baroh saw tylli ki cup kata kaba kynthup ia ka Premier League,FA Cup ,League cup bad ka Champion League.

Kumta ka Manchester City kaba la jop lypa ia baroh lai tylli ki cup,ka donkam sa ban jop ia ka Champion League,kaba dang iaid mynta ha ka Round ba 16, ban long ka kyhun kaba iohrah syndon ia ka Quadruple.

​ka Manchester United ha u snem 1999 hapoh ka jingialam jong u Sir Alex Ferguson ka jop ia lai tylli ki cup kaba kynthup ia ka FA Cup,Premier League bad ka Champion League bad ioh syndon ia ka nam kum ka kynhuh kaba jop ia ka treble.

U Kevin De Bruyne haba kylli ba ka Manchester City ka lah ne em ban ioh ia kata ka Quadruple,u jubab ia ka SkySports da kaba ong,”Ka bym lah ban long noh.Ngin ialeh ban jop ia ki jingialehkai katba ngi lah bad lada ngi lah shisha ban rah ia kata ka quadruple,ngin long shisha kita ki kynhun ba triem tam ha ka dewbah Europe.”

​Ka Manchester City kaba don mynta ha ka kyrdan kaba ar ha ka Premier League kan iakhun pyrshah ia ka WestHam United ha ka sngipalei.Nangta pat ha ka Champions League kan iakhun pyrshah ia ka Schalke 04 ha ka kylla kaba ar ban iohrung sha ka quaterfinal.

​Phi sngew ne em ba ka Manchester city kan long ka kynhun kaba nyngkong eh ban ioh ia ka nam kum kata ka kynhun kaba jop ia ka Quadruple?

Advertisements

Leave a Reply

%d bloggers like this: